Að nota Tap to Pay á iPhone

Tap to Pay á iPhone er einföld og þægileg leið til að taka við greiðslum með iPhone. Í gegnum Teya appið breytist iPhone síminn þinn í öruggan posa sem tekur við snertilausum greiðslum frá greiðslukortum, Apple Pay og öðrum stafrænum veskjum - allt án þess að þurfa nokkuð annað.

Tæki sem styðja Tap to Pay á iPhone

• iPhone XS eða nýrri útgáfa

• iOS 17.7.1 eða nýrri útgáfa

• Stöðug nettenging (Wi-Fi eða 4G farsímanet nauðsynlegt fyrir allar færslur)

Öryggisstillingar

Áður en þú notar Tap to Pay á iPhone, vertu viss um að:

• Lykilorð eða Face ID/Touch ID sé virkt í tækinu þínu.

• Sjálfvirk dagsetning og tími sé virkt (Settings > General > Date & Time > Set Automatically)

Athugið: Ef þú notar hulstur sem geymir greiðslukort, mælum við með að fjarlægja þau á meðan greiðslur fara fram til að koma í veg fyrir að kortið þitt verði óvart rukkað.

Uppsetning á Tap to Pay á iPhone

1. Sæktu Teya appið í App Store

2. Skráðu þig inn með Teya aðganginum þínum

Að virkja Tap to Pay á iPhone

1. Farðu í Selja neðst á skjánum í Teya appinu

2. Veldu Tap to Pay á iPhone sem greiðslumáta

3. Þú verður beðinn um að samþykkja skilmála Apple

4. Tengdu Apple ID þegar þú ert beðinn um það

5. Þegar uppsetningu er lokið birtist sýnidæmi um hvernig á að taka við greiðslum á iPhone.

Prófunarhamur

Þú getur prófað að taka við greiðslu hvenær sem er:

1. Smelltu á spurningarmerkið efst í hægra horninu

2. Smelltu á "Æfðu þig núna"

3. Fylgdu leiðbeiningunum á skjánum til að framkvæma prufugreiðslu

Lás fyrir greiðslur

Til að koma í veg fyrir óviðkomandi aðgang að öðrum eiginleikum appsins þegar tækið er í notkun:

1. Farðu í Selja og veldu Tap to Pay á iPhone

2. Smelltu á opinn lás efst í hægra horninu

3. Veldu Já og auðkenndu þig

4. Appið er nú læst fyrir greiðslur einungis

5. Smelltu aftur á lásinn til að opna þegar þörf er á.

Fyrir besta árangur mælum við með:

• Gættu þess að iPhone sé alltaf með nýjustu iOS útgáfu

• Tryggðu að síminn sé tengdur við þráðlaust net eða 5G net áður en þú tekur á móti greiðslu 

•  Gættu þess að tækið sé með meira en 20% hleðslu

• Bíddu eftir staðfestingu á greiðslu áður en kortið er fjarlægt

• Þú getur alltaf boðið upp á kvittun í tölvupósti eða SMS

• Staðfestu alltaf að greiðslan hafi verið samþykkt áður en sölu er lokið.