Hvers vegna þú hefur ekki fengið greitt uppgjör

Uppgjörsstaða

Fyrir nákvæma stöðu á uppgjörinu þínu getur þú skráð þig inn á Viðskiptagátt Teya og athugað stöðuna í rauntíma.

Ef uppgjörsstaða þín er Í vinnslu eða Greitt færð þú upphæðina samdægurs, milli 8:00 og 17:00 (alla virka daga). Ef uppgjörsstaðan er Frestað eða í Biðstöðu gætu þetta verið ástæðurnar:

Nýr viðskiptavinur

Þú ert nýr viðskiptavinur og við þurfum að staðfesta hver þú ert. Eftir að við höfum yfirfarið öll gögn varðandi seljendasamning sem þú ert með hjá okkur ættir þú að fá uppgjör þitt næsta virka dag.

Rangar upplýsingar

Við erum með rangar reikningsupplýsingar á skrá. Vinsamlegast skráðu þig inn Viðskiptagátt Teya og athugaðu hvort bankaupplýsingarnar þínar séu réttar. Ef þú þarft að uppfæra hafðu samband við Viðskiptaver í gegnum netspjall á heimasíðunni okkar, með tölvupóst á hjalp@teya.is eða í síma 560 1600.

Helgi- eða frídagur

Uppgjör eru greidd út næsta virka dag, mánudaga til föstudaga, sem þýðir að þú færð ekki uppgjörsgreiðslur á laugardögum, sunnudögum eða almennum frídögum.

Tæknileg vandamál

Kerfisrof, tengingarvandamál eða bilanir í greiðslukerfi gætu valdið seinkun á uppgjörsgreiðslum. Við munum láta þig vita fyrirfram um allar fyrirhugaðar kerfisuppfærslur. Ef þú hefur einhverjar frekari fyrirspurnir, vinsamlegast hafðu samband við Viðskiptaver okkar í gegnum netspjall á heimasíðunni okkar, með tölvupóst á hjalp@teya.is eða í síma 560 1600.

Uppgjör er fyrir neðan lágmarksupphæð uppgjörs

Heildaupphæð færslna gæti verið fyrir neðan lágmarksupphæð uppgjörs. Þetta er samningsbundin lágmarksfjárhæð færslna sem þarf til að gera upp næsta dag (það sem nemur £15). Ekki hafa áhyggjur, þetta þýðir ekki að þú tapir peningunum þínum! Uppgjörsgreiðslu þinni er aðeins frestað til næsta virka dags eða þegar heildarupphæð uppgjörs nær yfir það sem nemur £15.

Útistandandi skuldir við Teya

Þú færð ekki uppgjör ef þú skuldar Teya, t.d. út af ógreiddum mánaðargjöldum fyrir posa eða veflausn, endurgreiðslu, endurkröfu o.s.frv. Ef svo er geturðu valið að greiða niður skuldina strax eða bíða eftir að skuldin sé afgreidd með næsta uppgjöri. Um leið og skuld þín hefur verið greidd mun daglegt uppgjör hefjast að nýju eins og venjulega.